NUATHvieftig jaor

Sinds 1 april 1976. Nog altièd springlaevend, en weej weite noow wao de mósterd gehaold mót waere beej de bitterballe.

NUATH speult op straot in Venlo, met de sousafoon vuuraan. — Venlo, vastelaovend

NUATH 50 jaor!

Op ein april ( neet te geluive ) 1976 woort NUATH opgerich door leeje van ( toen nog ) handbal club Loreal. De joekskapelle schoote als paddesteul oèt de grónd. De naam waas gauw gevónde, umdet , op Fred nao, neemus ein instrument bespeulde : Neet Um Aan Te Huùre. Met zónne naam kós ut muzikaal allein maar mei valle.

Twieë kièr per waek woort gerippeteerd : op woensdaag aovend beej Jacques Janssen in de garage. Wilma brach ónder de pauze pindarotsjes rónd : good veur ut geluùd en ut ammezuur. Op zaoterdaag woort gerippeteerd in de kantine van de sporthal, zoedet de Pruuse, die eure PKW dao parkeerde, mei kóste geneete van de Egeländer leedjes. Al gauw waas d’r ein rippertwaar van inkele leedjes, det in de laup van de jaore rap oètgebreid woort.

NUATH kreeg vuuël nieje leeje d,r beej , die niks mièr met handbal te make hadde, en woort ein van de toeën aangaevende joekskapelle van Venlo en umgaeving. Optraejes door de ganse provinsie, veer CD’s gemak, organisator van Nappes op de Proms, Roètegetoèt, tieëntalle jaore gespeuld op ut Boeremoosbal, Mótteballebal, Zoèpkoel, De Prins, Maaspoort, Video klips gemak, enz.

De optraejes zien wat minder gewoore, maar nog altièd is NUATH springlaevend en wet noow wao de mósterd gehaold mót waere beej de bitterballe.

De kapel

Zoe’n 16 muzikante met drums, penspiano, trompètte, trombones, tuba’s, baritons, alt-sax en ein sousafoon. Gein podium is ós te groet: twieë kièr 45 minute, met eige zengers vuuraan.

Limburgse leedjes van de Vrijbuiters tot Rowwen Hèze, Kölse leedjes van de Bläck Fööss en ander Duits grei

Ós motto: alles kan!